CAGAYAN DE ORO CITY-Mi-apelar si detained Ozamiz City Vice Mayor Nova Princess Parojinog ngadto kang Pres. Rodrigo Duterte nga pa-imbestigaran ang giingong iregularidad sa dugo-ong pagronda sa CIDG ug PNP sa ilang mga panimalay.
Ang apelasyon gihimo sa bise mayor human sila ibalhog ni Reynaldo Parojinog Jr sa Kampo Krame sa kauluhan.
Gibutyag ni Nova Princess nga klaro kaayong adunay iregularidad sa paglusob sa ilang upat ka panimalay kay gidaut sa mga otoridad ang mga CCTV camera.
Si Princess Parojinog miingon nga gituyo usab sa grupo ni Ozamiz City Police Statiion commander C/Insp. Jovie Espinido ang pagpalong sa elektrisidad sa mga lugar diin nahimutang ang ilang mga panimalay.
Nanawagan usab ang bise mayor ngadto sa senado nga imbestigaran ang dugoong insidente nga gikamatay sa 15 ka tawo nga naglakip kang Ozamiz City Mayor Reynaldo ‘Aldong’ Sr ug Susan Parojinog ug Board Member Octavio Parojinog.
Si Nova Princess ug Reynaldo Sr ang kabahin sa gibulgar ni Presidente Rodrigo Duterte nga anaa sa listahan sa narco-politics nga naglihok sa Mindanao.
