CAGAYAN DE ORO CITY-Gidid-an sa mga otoridad ang paggamit ug pagpalupad sa drones aron mokuha’g footages sa mga aktibidad sa kapistahan ni Sr San Agustin ning syudad sunod semana.Kini sa tuyo nga dili masakyan sa grupo nga nagtinguha hasi-on ang seguridad samtang gihimo ang mga dagkong kalihukan sa syudad.
Partikular nga gikabalak-an ni City Coun Romeo Calizo kinsa chairman sa komitiba sa police,fire and public safety sa syudad ang Higalaay Parade diin daghang tawo ang molambigit samtang ipahigayon sa pang-publikong lugar.
Samtang nangayo’g tabang ang kapolisan gikan sa publiko nga suportahan ang seguridad nga ilang ipatuman sa mga kalihukan sa nagkaduol nga kapistahan sa syudad sa Agosto 28 ning tuiga.
Kini ang hinungdan nga gidid-an sa militar ug kapolisan ang pagpalupad sa mga drone nga makatutok sa mga kalihukan sama sa parada ning syudad sunod
semana.
Gibutyag ni C/Insp Mardy Hortillosa,tigpamaba sa Cagayan de Oro City Police Office o COCPO nga dako’g matabang ang katawhan sa mga otoridad ilabina nga dili luwas sa hadla batok terorismo ang dakbayan.
