CAGAYAN DE ORO CITY-Panguluhan sa Cagay-anong army general ang kasundaluhan ubos sa 4th Infantry Diamond Division,Philippine Army nga nakabase sa Camp Evangelista sa Brgy Patag ning syudad epektibo ning semanaha.
Kini human na- promote na si kanhi 4th ID commander Maj Gen Benjamin Madrigal Jr ug nadestino sa Southern Luzon Command.
Gibutyag ni 4th ID spokesperson Capt Joe Patrick Martinez nga maoy mihulip kang Madrigal si outgoing ISAFP head Maj Gen Ronald Villanueva kinsa
classmate niya sa PMA Class 1985 Sandiwa.
Si Martinez miingon nga dili na bag-o si Villanueva sa 4th ID,Philippine Army kay kanhi kini nadestino sa Caraga Region dii lugar nga nagsilbi usab nga commander si Madrigal.
Samtang nasanta ni Madrigal ang presensiya sa rebeldeng New People’s Army o NPA sa dul-ag 500 ka brgy nga nakabase sa Northern Mindanao ug Caraga Region.
Kini ang kabahin sa kalampusan nga nakab-ot ni Madrigal sulod sa 17 ka bulan isip division army commander sa rehiyon.
Namahayag si Martinez nga napa-surrender o napatay pinaagi sa engkuwentro ni Madrigal ang kapin 200 ka sakop sa mga NPA gikan sa duha ka
dagkong rehiyon sa Mindanao.
Himoon ang pag-assume of office ni outgoing ISAFP head Maj Gen Ronald Villanueva isip hulip kang Madrigal sa Camp Evangelista sa Agosto 23 ning tuiga.
