CAGAYAN DE ORO CITY-Giandam na sa kapolisan ang kasong reckless imprudence resulting to multiple homicide batok sa drayber sa ten-wheeler trak nga nakabangga-patay sa duha ka mga motorista diha sa Sayre Highway, Maitom Purok 8,Upper Puerto ning syudad.
Giila ang drayber nga si Arnold Lobetania, 41-anyos, nga taga Damilag Bukidnon. Sa imbestigasyon sa kapolisan, maoy mibangga sa trak ang motorsiklo hinungdan sa kamatayon sa mga motorista nga si Felipe Ruin Medequillo, 27-anyos, minyo ug taga Zone 1 Lunocan, Manolo Fortich Bukidnon ug laing kauban niini.
Nakaangkon og dakong samad sa ulo ang mga biktima nga maoy hinungdan sa ilang kamatayon.
Nagtoo ang mga pulis nga hubog ang mga biktima sa dihang nahitabo ang panagbangga.
Gitakdang ipasaka ang kaso batok suspek sa piskalya ning syudad ugmang adlawa.
