CAGAYAN DE ORO CITY-Gipasalig sa PDEA-10 nga dili ma-sabotahe ug magpabiling sekreto ang resulta sa himoon nga surprise mandatory drug test sa kapi’g 5-mil ka empleyado nga naglakip na sa elected officials sa city hall ning syudad.
Kini human natahasan ang PDEA-10 nga moabag sa City Anti-Drug Abuse Council o CADAC sa oras nga sugdan ang pag-drug test sa mga empleyado sa city hall.
Gihimo ni PDEA agent spokesperson designate GM Gomez ang pahayag alayon sa gipasalig sa konseho nga naggahin na sila sa P1.2 milyon aron gamiton sa maong katuyuan.
Kini na ang ikaduha nga higayon nga nagsaad ang konseho sa syudad nga ipaubos sa drug test ang tanang trabahante sa city hall.
