CAGAYAN DE ORO CITY-Gihagit sa Misamis Oriental-Cagayan de Oro Lotto Agents Association Incorcoporated o MOCLAAI ang kapolisan nga mapadayon ang aktibong kampanya batok ilegal nga pasugal sa syudad ug lalawigan.
Kini human giangkon ni MOCLAAI President Astrid Bana nga tinood ang gisulti sa kapolisan nga nagsilbing illegal gambling free na ang syudad sa pipila ka semana.
Nagsaka ang ilang kinitaan tungod sa pagsulod sa bag-ong dula sa small town lottery o STL nga pangontra sa naghitak nga illegal suwertres sa syudad ug lalawigan.
Una niini,mismo si PNP chief Dir Gen Ronald de la Rosa ang nagbahad nga tangtangon ang tanang regional directors kon pakyas nila wad-on ang tanang ilegal nga pasugal sulod lamang sa 15 ka adlaw.
