CAGAYAN DE ORO CITY-Luwas na ang pito ka police trainees nga gilangkuban sa upat ka lalaki ug tulo ka babaye sa
training school diha sa Brgy Damilag,Manolo Fortich,Bukidnon kagahapong adlawa.
Kini human nakuyapan ang mga biktima samtang nagpahigayon sa individual run isip kabahin sa ilang bansay-bansay sa maong lugar.
Gibutyag ni PNP regional spokesperson Supt Lemuel Gonda nga posibleng gikulang ang resistansiya sa mga biktima hinungdan sa pagka- collapse niini.
Gilayong gidala sa ospital ang mga biktima aron mahatagan sa dinaliang medikasyon.
