CAGAYAN DE ORO CITY-Gisugyot sa kapolisan nga ipaubos sa pamilya sa otopsiya ang patay’ng lawas sa ilang kabanay
nga nakit-ang dugta na diha sa Sitio Bato, Brgy Indahag sa syudad kagahapong adlawa.
Kini human unang midagan ug nahulog sa pangpang ang biktima nga si Joseph Ramos,minyo,hingkod ang panuigon ug lumad taga- Tacurong City,Sultan Kudarat.
Namahayag si Cogon Police Station commander C/Insp Harvey Abellanosa nga unang miaparta ang biktima sa away sa amahan sa iyang asawa diin nasalaba niini’g bato ang ilang kontra.
Nahadlok ang biktima sa nakita niining dugo hinungdan nga midagan apan nahulog sa pangpang nga posibleng resulta sa iyang kamatayon.
Nagsugod ang pagka-missing ni Ramos sukad pa Agosto 11 ug kagahapon pa lamang nadiskobre sa mga residente sa maong syudad.
