CAGAYAN DE ORO CITY-Molingkod nang pormal isip ika-41 nga division commander si Maj Gen Ronald Villanueva sa
4th ID,Philippine Army epektibo ning adlawa.
Kini nunot sa ipahigayon nga turn-over of command diin mismo si Lt Gen Glorioso Miranda kinsa commanding general sa AFP ang mangulo aron ma-instolar si Villanueva diha sa Camp Evangelista sa syudad karong buntag.
Gibutyag ni 4th ID,Philippine Army spokesperson Capt Joe Patrick Martinez nga gihulipan ni Villanueva ang iyang klasmit sa PMA Sandiwa Class of 1985 nga si Maj Gen Benjamin Madrigal Jr nga atua na gi-destino sa AFP Southern Luzon Command.
Hisayrang ubos sa 17 ka bulan nga liderato ni Madrigal,nasakmit sa 4th ID,Philippine Army ang pasidungog ilabina sa implemantasyon sa mga programa niini nga direktang nagserbisyo ngadto sa mga stakeholder nga nakabase sa Caraga ug Northern Mindanao areas.
