CAGAYAN DE ORO CITY-Gipasalig sa liderato sa Police Regional Office o P.R.O-10 ang suporta nga ilang gihatag kang
Pres Rodrigo Duterte.
Kini bisan nga milugwa ang grupong Patriotic and Democratic Movement o PADEM diin nag-awhag sa katawhan,militar ug kapolisan nga i-kudeta si Duterte.
Matud ni PNP regional spokesperson Supt Lemuel Gonda nga wala sila’y nakit-an nga nahimo nga kasaypanan si Duterte sa pagdumala sa nasud hinungdan sa ilang kusganong pagtahod sa balaod.
Gipalihok na usab ni PNP regional director C/Supt Timoteo Pacleb ang intelligence unit niini aron sutaon kon may
mga sakop ba nila nga nakig-anib sa maong grupo.
Una niini,gibutyag ni Presidential spokesperson Ernesto Abella nga dili tinood nga nabahin sa duha ka faction ang AFP ug gipanganti nga pangitaon ang utok sa PADEM aron manubag sa balaod.
