CAGAYAN DE ORO CITY- Gihatagan sa commendation o pag-ila sa konseho ning syudad si LTO regional director Oscar Salcedo.
Unod sa pag-ila ang klaro nga kampanya ahensiya batok korapsyon ug mga paagi aron mahimong hapsay ang dagan sa trapiko sa syudad.
Gibutyag ni Salcedo nga nakurat siya kay nakita sa konseho ang ilang pagpaningkamot nga limpyuhan ang ilang opisina.
Dako usab ang pasalamat sa maong opisyal sa mga kauban niini tungod sa ilang sakripisyo ug pagpaningkamot nga mawala na ang pagpangurakot sa ilang ahensya.
Hisayrang nabutang sa dakong kontrobersya ang LTO tungod sa isyu sa kurapsyon nga gilambigitan sa pipila ka mga empleyado niini.
