CAGAYAN DE ORO CITY- Anaa na karon sa ilang ‘final assault’ ang militar batok sa nabiling mga sakop sa Maute terror group sa Marawi City.
Matud ni Task Force Ranao Deputy Commander Col. Romeo Brawner nga nakatutok na lamang sa pipila ka moske nga gitaguan sa mga teroristang Maute ang opensiba sa militar ug sa dili madugay hingpit nang matapos ang krisis.
Dugang ni Col. Brawner nga prioridad karon sa mga sundalo ang pagluwas sa nabiling 40 ka bihag sa Maute group nga naglakip kang Fr. Chito Suganob.
Hisayrang sukad miulbo ang engkuwentro tali sa militar ug mga terorista,anaa na sa kapi’g 700 ka kinabuhi ang nakalas sa Marawi City niadtong Mayo 23 ning tuiga.
