CAGAYAN DE ORO CITY- Patay ang market laborer human magbangga ang gimaneho nga motorsiklo batok sa passenger van diha sa highway sa Brgy Lumbia ning syudad kagabii.
Giila ang biktima nga si Junjun Perez,balo,hingkod ang panuigon ug nagpuyo sa Brgy Balulang ning dakbayan.
Gibutyag sa imbestigador nga si PO2 Jeremy Valmores sa Lumbia Police Station nga pulos kusog ang dagan ni Perez ug sa van driver nga si Marlon Dalamuna nga taga-Talakag,Bukidnon hinungdan sa grabe nga impact sa aksidente.
Una niini,namugos ang detinadong van driver nga mismo si Perez ang mibangga kaniya hinungdan sa aksidente kagabii.
