CAGAYAN DE ORO CITY- Gipanganti sa bag-ong commander sa 4th ID,Philippine Army nga si Maj Gen Ronald Villanueva nga ipadayon ang kampanya batok sa kalihukan sa insurhensiya sa Caraga ug Northern Mindanao Regions.
Kini human pormal na nga milingkod si Villanueva isip ika-41 nga commanding general sa 4th ID isip hulip kang Maj G en Benjamin Madrigal Jr nga atua na destino sa AFP Southern Luzon Command.
Gipangayo usab ni Villanueva kinsa lumad nga taga- Cagayan de Oro ang suporta sa nagkadaiyang sektor sa katilingban aron mamintinar ang kahusay’g kalinaw sa duha ka rehiyon.
Hisayrang sa Mindanao,ang lugar sa Caraga ug Northern Mindanao Regions ang usa sa nag-atubang sa dakong hagit kon hisgutan sa insurhensiya.
