CAGAYAN DE ORO CITY-Ipasaka sa piskalya ang kasong illegal posession of firearms batok sa sundalo nga nag-absent without leave o AWOL nga nakig-lalis sa mga pulis sa lungsod sa Naawan,Misamis Oriental.
Kini ilabina kon mapakyas ang suspek nga si Loverton Ruedas,37 anyos nga taga- Brgy Patag sa maong lungsod pagpakita sa iyang mga papeles sa kalibre 45 nga armas.
Gibutyag ni Misamis Oriental Provincial Police Office Director Sr Supt Rolando Destura nga maglisod na sila pagpasaka’g kasong illegal detention batok suspek kay dili intresado si Fr Ronedon Valmoria.
Gani,una nang gitin-aw ni Valmoria nga wala siya gi-hostage apan nagpatabang lamang kaniya si Ruedas nga gigukod ug gipusil sa mga pulis tungod sa panaglalis.
