CAGAYAN DE ORO CITY-Moduso’g motion for reconsideration o MR ang PDEA-10 tungod sa pagkabasura sa kaso nga ilang gipasaka batok sa mga mga dinakpan niini sa Malaybalay City,Bukidnon.
Kini human bugtong ang provincial nurse nga si Geoff Silabay ug Alinor Alias lamang ang gipakasuhan sa prosekusyon tungod sa pagbaligya sa gidiling droga sa maong dapit.
Gibutyag ni PDEA agent GM Gomez nga iduso nila ang mosyon aron makasuha’g balik sila si Lorenzo Victor Aldeguer;2nd Lt Arthur Rey Aranggo gikan sa 7th ID,Philippine Army;Shinray Dumaguit;Maria Lourdes Velencia;Juliet Kane Cruspero ug Roger Hernandez.
Una nang namugos ang PDEA-Bukidnon Team nga gisikop nila ang mga suspek tungod sa pagbaligya ug paggamit sa droga sulod sa usa ka motel sa maong syudad sa miaging semana.
