CAGAYAN DE ORO CITY-Gipasigarbo ni City Mayor Oscar Moreno nga lig-on ang iyang depensa batok sa mga kaso nga ipasaka aniya.
Gibutyag ni Moreno nga tungod sa kadaghang kaso nga giatubang, iyang napamatud-an nga mas milig-on usab ang iyang depensa.
Gani, gibutyag niini nga dili na siya gakalisang sa matag-kaso nga iyang gaatubangon ilabina nga sayod siya nga walay siya’y gihimong dautan sa pagserbisyo.
Apan giangkon sa alkalde nga apektado ang iyang pagserbisyo sa katawhan sa dakbayan tungod sa mga kaso nga binuhatan sa iyang kaatbang sa pulitika.
Si Moreno ang pakasuhan sa Ombudsman sa dugang 18 ka ihap sa kurapsyon tungod sa wala paghimo’g public bidding sa gisudlang transaction sa panahon nga gobernador pa sa Misamis Oriental sa mga tuig 2007,2011 ug 2012.
