CAGAYAN DE ORO CITY-Gihagit karon sa kapolisan ang nagdumala sa Equiparco Construction Company nga hataga’g hustisya ang ilang mga empleyado nga giingong na-harass sa rebeldeng NPA sa Brgy Eureka,Gingoog City,Misamis Oriental sa miaging adlaw.
Kini human hangtod karon wala pa’y indikasyon nga moduso’g kasong kriminal ang maong kompanya batok mga rebelde sa dihang pila ka oras nga na-hostage ang mga empleyado samtang mohatod unta sa suhulan sa ilang construction worker sa maong lugar.
Gibutyag ni Gingoog City Police Station comamnder Supt Ruel Lami-ing nga gitun-an nila ang pagduso’g kasong serious illegal detention batok sa 130 ka sakop sa NPA nga gipanguluhan sa usa ka Kumander Dahon.
Hisayrang gigamit sa mga rebelde ang tulo ka sakyanan sa maong kompanya aron masakyan apan ila ra usab giuli sa mga empleyado niini.
