CAGAYAN DE ORO CITY-Gi-koordinar na ni Ozamiz City Police Station head C/Insp Jovie Espenido ang CIDG aron lapdan pa ang ilang operasyon aron masikop na si Misamis Occidental board member Ricardo ‘Ardot’ Parojinog nga nagtagu-tago batok sa balaod.
Kini human gitumbok si Ardot nga utok usab sa pagkuyanap sa gidiling droga sa Ozamiz City ug nagbaton sa mga criminal gang sama sa Martilyo ug Salising group.
Nagtinguha usab si Espenido nga hataga’g proteksyon ang mga testigo nga boluntayo naghatag impormasyon sa ikasikop sa mga galamay sa mga Parojinog.
May patong sa ulo si Ardot balor P5 milyones aron mapadali ang pagsikop kaniya.Samtang gihangyo ni Espenido ang nabiling sakop sa Parojinog group nga mobiya na sa ilegal nga kalihukan ug motahan na sa gobierno.
Gihimo ni Espenido ang pahayag nunot sa iyang panganti nga daghang kabag-uhan ang ipatuman niini suldo sa Ozamiz City.
Namahayag si Espenido nga tungod sa iyang pagpabilin sa Ozamiz PNP,matutukan niini ang iyang mga programa ilabina ang pagsumpo sa kreminalidad ug paghitak sa gidiling droga.
Gani,nag-organisar na si Espenido sa brgy information network o BIN aron mapakusog ang anti-criminality campaign sa maong syudad.
