CAGAYAN DE ORO CITY-Mag-atubang sa dugang kasong pagbaton sa gidiling droga ang duha ka piniriso nga detinado sa provincial jail sa Oroquieta City,Misamis Occidental.
Kini human gi-ronda sa hiniusang puwersa a PNP ug Philippine Coast Guard ang ”kubol” nila ni Danny Tac-an,42 anyos ug Jojo Bolong,43 anyos nga pulos binilanggo sa gilusad nga Oplan Galugad kagahapong adlawa.
Gibutyag ni Supt Alan Ruba,hepe sa Oroquieta City PNP nga maoy nakuha gikan sa mga suspek ang dul-ag 60 ka sachets sa gitoohang shabu.
Gikustodiya sa PNP ang mga suspek aron kasuhan sa kasupakan sa Comprehensive Dangerous Drugs Act of 2002.
