CAGAYAN DE ORO CITY-Nag-atubang sa upat ka kasong kriminal ang kontrobersyal nga lider sa United States Army Forces in the Far East o USAFFE nga si Atty Ely Pamatong sa piskalya ning syudad.
Gibutyag ni CIDG-10 chief invetigator SPO4 Noel Oclarit nga nagsumikad ang pagduso’g kaso batok Pamatong tungod sa pagka-kompiskar sa duha ka granada,kalibre 45,military uniforms ug bandila sa Pilipinas sulod sa headquarters niini sa Sitio Tabucnai,Brgy Tablon ning syudad sa miaging semana.
Kabahin sa giatubang ni Pamatong ang kasupakan sa “illegal possession of explosives; illegal possession of firearms”, Republic Act A 8491 o” An Act prescribing the Code of the National Flag, Anthem, Motto, Coat-Of Arms, and other Heraldic Items and Devices of the Philippines” ug usurpation of authority sa article 177 sa Revised
Penal Code o.
Una niini, gironda sa Martial Law-Special Action Group o ML-SAG ang 42 ka mga balay sulod sa iyang compound apan pakyas nila masikop si Pamatong.
Samtang ipa-imbestigar ni USAFFE founder Pamatong sa senado ang naglangkob sa ML-SAG batok kaniya sa tungod sa giingong ‘planted evidence’ nga nakuha sulod sa iyang kampo sa Brgy Tablon sa syudad.
Gibutyag ni Pamatong nga naulawan lamang ang mga otoridad tungod kay wala sila’y nakuha nga mga armas hinungdan ila gipadayon ang mga kaso batok kaniya.
Hinoon,wala matarog si Pamatong ilabina nga giingong protektado na kini sa embahada sa Amerika sukad gi-ronda ang iyang kampo sa maong brgy sa miaging semana.
