CAGAYAN DE ORO CITY-Napalugwa na sa Comelec enbanc ang resolusyon nga nagmando sa usa ka bulan nga voters registration kagahapong adlawa.
Sa eksklusibong paghinabi sa Bombo Radyo kang Comelec Chairman Andress Bautista, iyang gibutyag nga posibleng sa tibook bulan sa Nobyembre sugdan ang pagdawat sa aplikasyon sa 15 anyos pataas o mga bag-ong botante alang sa Mayo 2018 nga piliay.
Una niini, gibutyag ni Bautista nga puwede nilang gamiton ang probisyon sa balaod sa Comelec mahitungod sa postponement sa piliay sa mga lugar nga may bahad sa terorismo sama dinhi sa Mindanao.
Samtang gipasalig ni City Councilor Alam Lim, chairman sa komite sa barangay affairs sa konseho nga walay bisan usa ka brgy kapitan ang nalambigit sa narco politics sa syudad.
Gihupay ni Lim ang kabalaka sa mga barangay opisyal nga gihugon-hugon nga tangtangon sa DILG oras nga masayran nga nalambigit sa mga kahiwian.
Gibutyag ni Lim nga sukad sa paglingkod ni Pres Rodrigo Duterte walay kalambigitan sa illegal drug trade ang mga kapitanes ning syudad.
Gani, samtang siya nagsilbing presidente sa liga ng mga barangay sa syudad, kanunay niyang gipadumduman ang mga brgy kapitanes nga itunol ang maayong serbisyo sa ilang katawhan sumpoon ang mga ilegal nga kalihukan.
Una nang gikadismaya apan gitahod ni Barug Kabatan-unan Movement president Kenneth Piloton ang hukom ni Pres Rodrigo Duterte nga isibog ang piliay sa brgy ug Sangguniang Kabataan gikan sa Oktubre 23,2017 ngadto sa Mayo 14,2018.
Giawhag hinoon ni Piloton ang katawhan nga gamiton ang nabiling panahon nga tun-an ang angay nila buhaton kon ugaling intresado moapil sa bugnong lugaynon sunod tuig.
Una nang hingusgan sa maong grupo nga angay mahitabo ang piliay ning tuiga kay makapila na kini gi-oktaba sukad pa sa administrayon ni kanhi Pres Noynoy Aquino.
