CAGAYAN DE ORO CITY-Nakadawat na sa giingong death threats si Engr. Antonio Nunez Jr nunot sa iyang gipasaka nga kaso batok kang City Mayor Oscar Moreno.
Gitug-an ni Nunez sa Bombo Radyo nga nagpakitabang na siya sa Anti-Cyber Crime group sa PNP-10 aron masapon ang mga nagbahad sa ilang kinabuhi.
Lig-on ang pagtoo ni Nunez nga mga alyado sa mayor ang gahulga kaniya nga siya patyon sa dili madugay tungod sa iyang kalampusan nga napalugwa ni Ombudsman Conchita Carpio Morales ang 11 ka counts nga ipapha sa pagka mayor si Moreno uban ang pipila ka mga kawani niini.
Si Nunez ang nag- inusara nga petitioner nga miduso’g kaso batok Moreno ug laing pito ka kanhi kauban niini sa bids and awards committee sa provincial government nga misulod sa equipment rental nga wala moagi’g public bidding sa pagka-gobernador niya kaniadtong nag-agi nga katuigan.
