CAGAYAN DE ORO CITY-Ihinayon sa grupong STAREX Piston Northern Mindanao ang ilang duha ka adlaw nga transport strike sa syudad sa Oktubre 16 hangtod 17 ning tuiga.
Kini bisan nagbahad ang LTFRB-10 nga silot nga 5-mil pesos ug pag-rebokar sa prangkisa ang dangatan sa operators nga moapil sa welga.
Gibutyag ni Ringo Lago,secretary general sa STAREX -Piston Northern Mindanao nga dili pa hinog ang panahon aron dali-dalion pag-ilis ang 15 anyos pataas nga jeep pasayruhan sa nasud.
Gitawag ni Lago nga transportation monopoly ang gihimo sa Dept of Transportation o DOTr ubos sa pagtakuban nga road modernization program.
Samtang gi-andam ni LTFRB regional director Allan Guro ang mga salakyan nga magsilbing ‘libreng sakay’ kon may mga pasahero nga ma-stranded atol sa nationwide strike sunod semana.
Kini bisan nga wala moduyog ang grupo sa Traffeco ug National Confederation of Transport Union o NCTU sa duha ka adlaw nga welga sa STAREX-Piston Northern Mindanao sa Oktubre 16 ug 17.
Silotan ni Guro ang mga operator nga mokuyog sa welga sanglit makabalda kini sa mga pagbiyahe sa mga pasahero ug transportasyon.
