CAGAYAN DE ORO CITY-Wala’y ”war trauma” ang kapin 90 ka pulis nga gikan sa RPSB-10 nga gi-destino aron mohatag dugang puwersa sa militar sa kagubot sa Marawi City.
Kini human gipaubos sa psycho-social serminar ang maong mga pulis pagsiguro nga dili nila mahimong kontra ang mga tawo nga ilang makita sa palibot.
Miingon si PNP regional spokesperson Supt Lemuel Gonda,nga gihimo kini sa ilang kadagkuan sa pagsiguro nga normal nga makabalik sa ilang unit ang maong mga pulis.
Gani,misayaw pa sa sikat nga ‘baby shark’ dance ni artist Pinkfong ang mga pulis diin pagmatood nga wala sila madutli sa epekto sa giyera sa Marawi City.
Una niini,gihatagan sila’g saludo ug pasidungog sa kadagkuan sa PNP-10 tungod sa kaisog ug pagbuhis kinabuhi samtang miabag sa militar nga nakig-engkuwentro batok Maute-ISIS sa Marawi City.
