CAGAYAN DE ORO CITY-Nakarambola ang lima ka sakyanan sa tulay nga nahimutang sa boundary sa St. Augustin Subd,Macapagal Drive sa Brgy. Canitoan ning syudad kagahapon sa hapon.
Nag resulta kini sa pipila ka oras nga distrosa sa dagan sa trapiko sa maong dapit.
Sa pakighinabi sa Bombo Radyo sa driver sa usa ka puti nga Toyota Fortuner nga si John Marc Quilay, gibutyag niini nga nakita nilang wala na’y drayber ang truck sa dihang mahulog kini sa maong tulay ug misalom sa suba.
Una niini, aksidente nga midumbol ang iyang gi-draybang’ng Fortuner sa truck hinungdan sa pagdamay sa ubang mga sakyanan.
Hinoon, walay natalang samaron o namatay sa aksidente.
Samtang nawad-an sa brake ang truck nga nahulog sa tulay.
Namahayag si PO2 Mico Algabre,traffic Investigator sa Carmen Police Station nga dali misibat ang drayber ug kaubang pahenante human ang aksidente.
Una niini, nagresulta ang karambola sa pagkabangga sa truck ug dump track nga gimaneho ni Quilay, midumbol gilayon sa sampot nga bahin niini ang usa ka motor.
Naigo gilayon sa luyong bahin sa motor sa usa ka Hyundai ug hingpit mibangga ang laing XRM motor nga rosi sa sampot nga bahin sa maong sakyanan.
Dugtong niini, gibutyag ni Algabre nga padayon pa nilang gipangita ang drayber ug assistant sa nahulog nga trak.
Hinoon,gipasalig sa kompanya sa mga suspek nga makig-settle sa damyos tali sa mga mabiktima sa karambola sa dalan.
