CAGAYAN DE ORO CITY-Nakompiskar na’g sugod nila ni Camaman-an Brgy Kap Pete Arda ang pipila ka ilimnong makahubog sulod mismo sa mga tindahan sa city memorial park sa Bolonseri ning syudad kagahapon sa hapon.
Kini human mihimo’g surprise inspection ang mga brgy opisyal kuyog ang mga brgy tanod palibot sa bisiniad sa maong sam-ang.
Miingon si Arda nga istrikto nila ipatuman ang seguridad alang sa tanang moduaw ilabina ang pagdili magdala sa armas,kutsilyo,music instruments samtang magdumdom ang katawhan sa ilang mga minatay sa pinakadako nga sam-ang sa Brgy Camaman-an ning syudad.
Samtang gikompirmar sa pipila ka city hall employees nga na-destino sa pagdumala sa city memorial park nga may mga katingalang panghitabo diha sa Bolosenri,Brgy Camaman-an ning syudad.
Kini human mismo si City Memorial Park supervisor Randoph Fuentes ang nakabantay sa talagsa-ong baho nga iya sa mga patay.
Gani,may usa ka gabii nga daw adunay mga nanghipos sa mga kandila sa luyo nga bahin sa kapelya diin nahimutang ang dakong krus nga duol lamang usab sa opisina ni Fuentes.
Samtang gipaagi na lamang sa komedya sa usa ka tig-gama sa lapida ang pagsaka sa ilang kinitaan panahon sa kalag kalag.
Gisaysay ni Butch Mercado nga ang lapida maoy usa sa mga in-demand nga regalo sa patay panahon sa kalag-kalag.
Gi-angkon ni Mercado nga sa matag hinapos nga bahin sa Oktubre padulong sa unang semanaΒ sa Nobyembre mopatuman gyud sila sa umento sa bayad sa matag lapida aron usab nga sila makabayad sa ilang mga utang.
Mikomedya pa si Mercado nga panahon sa kalag-kalag ra niya mahulipan ang iyang brief nga lawlaw.
Samtang nalipay ug ayo si Merilyn Almonte kinsa flower ug candle vendor ug molopyo sa Bolonsori, Brgy Camaman-an ning syudad kay gilauman niining musaka ang iyang kinitaan sugod ning adlawa.
Gibutyag ni Almonte nga matag-higayon nga dunay muduaw, mao ra ang higayon nga sila makakaon ug tarong.
Gawas niini, mi-abiso ang maong ginang sa publiko nga dili mahadlok sa multo o mga wakwak kay ginama lang daw kini sa utok sa tawo.
Gani, hugtanong gipamugos ni Almonte nga mas mahadlok pa siya sa buhing tawo kaysa sa patay.Kini subay sa iyang kasinatian sulod sa 30 ka tuig nga pagpuyo kini sa menteryo.
