CAGAYAN DE ORO CITY-Gipadumduman ni City Police Director Sr Supt Roy Bahian ang tanang mga pulis nga dili mangahas paglambigit sa mga ilegal nga kalihukan sama sa ilegal suwertres ug tari-tari ning syudad.
Gihimo ni Bahian ang pasidaan human akusahi ang tulo sa iyang mga pulis nga anaa sa pagpasilbing protectors sa maong mga pasugal ning syudad.
Gibutyag ni C/Insp Mardy Hortillosa,tigpamaba sa Cagayan de Oro City Police Office o COCPO nga ang maong mga pulis gipaubos sa padayong imbestigasyon tungod sa paggawas sa ilang mga pangalan nga nalambigit sa illegal nga kalihukan.
Nagdumili una si Hortillosa pagbutyag sa mga pangalan sa maong mga pulis samtang pending ang pag-imbestigar batok kanila.
Subli nanganti si Bahian nga mapugos kini paglangkat sa bisan kinsa nga pulis nga kusog mobalibad sa pagtuman sa trabaho ug mosukol pa sa ilang mga superior.
