CAGAYAN DE ORO CITY-Tukion sa city council committee on the whole ang isyu sa hugaw nga naka-apektar sa pipila ka molopyo sa Brgy Pagalungan ug San Simon sa dakbayan.
Kini human nagpadala’g resolusyon si San Simon Brgy Kap Rodolfo Nacario ug nagsaysay sa nahitabo sa pipila ka residente ug giingong kontaminasyon sa ilang sapa gumikan sa sanitary landfill nga natukod sa Pagalungan ning syudad.
Gibutyag ni Kag Inday Dahino,vice chairman sa komitiba sa environment sa konseho sa syudad nga tuyo nila masuta ang tinood nga hitabo aron hatagan sa dinaliang kasulbaran.
Una nang nag-abot ang impormasyon nga gipangkagid ang pipila ka residente ug may fish kill epekto sa ‘duga’ gikan sa sanitary landfill sa maong brgy sa miaging Setyembre ning tuiga.
