CAGAYAN DE ORO CITY-Sinultihay kabahin sa kalinaw ang labing epektibo pa gyud gihapon nga tubag sa dul-ag 50 ka tuig nang bangi tali gobierno ug CPP-NPA-NDF dinhi sa nasud.
Kini ang baruganan ni IFI Bishop Felixberto Calang kabahin sa pagkanselar ni Pres Rodrigo Duterte sa pakig-peacetalks sa gobierno ngadto sa mga komunista.
Miingon si Calang kinsa dugay nang kaila ni Duterte nga dili sulbad ang paggamit sa militar aron hingpit wad-on ang gipakigbisugan sa mga rebelde.
Gani,giwagtang ni Duterte ang peacetalks nga wala’y giandam nga mga opsyon kon unsaon nga dili maapektuhan ang katawhan sa oras nga mag-engkuwentro ang militar ug pundok NPA sa kabukiran.
