CAGAYAN DE ORO CITY-Kasuhan sa pagbaligya’g gidiling droga sa PDEA-10 ang target listed personality nga ilang nasikop pinaagi sa search warrant sa San Agustin Village,Brgy Casinglot,Tagoloan,Misamis Oriental kagabii.
Giila ni PDEA-MisOr team spokesperson agent GM Gomez ang dinakpan nga si Edwin Castañeda,hingkod ang panuigon,ulitawo ug nagpuyo sa maong lugar.
Gikonsiderar sa PDEA si Castañeda nga bigtime drug supplier sa maong lungsod diin nakuhaan nila’g 10 gramos sa
gitoohang shabu ug bana-banang nagkantidad 70-mil pesos.
Narekober usab sa detinado nang suspek ang pipila ka drug
paraphernalia nga magamit sa mga otoridad nga ebedensiya pagpasaka’g kaso sa piskalya ning adlawa.
