CAGAYAN DE ORO CITY-Gigukod aron masikop ug makasuhan ang gatusang rebeldeng New People’s Army o NPA
nga mihasi sa police station sa Poblacion,Binuangan,Misamis Oriental.
Kini human naglumba sa pagsibat ang tulo ka kumander kuyog ang ilang mga miembro nga mipalpak pag-ilog sa Binuangan Police Station kay misukol ang naka- duty nga kapolisan sa miaging kadlawon.
Gibutyag ni PNP regional director C/Supt Timoteo Pacleb nga sa 18 ka pulis nga mirapido sa gatusang NPA rebels,usa kanila ang adunay seryoso nga samad hinungdan gihatagan sa mediskasyon.
Samtang gisaluduhan ni PNP Chief Director General Ronald de la Rosa ang 18 ka pulis nga isog nakig-engkuwentro sa misulong nga 300 ka rebeldeng New People’s Army kagahapon sa kadlawon.
Kini human napakyas ang NPA commanders nga sudlon ang police station ug pangkuhaon ang mga armas.
Miingon si Pacleb nga partikular gihataga’g saludo ni De la Rosa sila si Binuangan Police Station commander Sr/Insp Dennis Hallasgo;SPO1 Ramonito Zambas, PO3 Alberto Bernadas ug PO1 Joshua Satur nga nakig-sinukliay sa mga bala batok sa mga misibat nga NPA rebels sa maong lungsod.
