CAGAYAN DE ORO CITY-Gihatagan sa PNP top brass sa Medalya ng Kagalingan ang grupo ni Binuangan Police Station commander Sr/Insp Dante Hallazgo kagahapong adlawa.
Kini human personal midalikyat ang grupo ni PNP Deputy Dir Gen Archie Gamboa sa police station aron susihon ang tropa ni Hallazgo nga isog nakig-engkuwentro sa 120 ka NPA terrorists sa miaging kadlawon.
Gibutyag ni Misamis Oriental PNP spokesperson Sr/Insp Corraine Mae Estigoy nga gawas kang Hallazgo,gihatagan usab sa susamang pasidungog sila si SPO4 Lorimer Cabil;SPO1 Ramonito Zambas;PO3 Crispin Dalugdug;PO2 Necil Japuz ug PO1 Laila Gumahin.
Gibisita usab nila ni Gamboa si PO3 Alberto Bernadas sa ospital aron hatagan sa susamang medalya ug cash assistance.
Nasayran nga una nang gibisita ni PNP regional director C/Supt Timoteo Pacleb ug Gov Bambi Emano si Bernadas diin gihatagan nila kini’g pasidungog sa miaging adlaw.
