CAGAYAN DE ORO CITY-Kasado na ang ilusad nga picket rally sa grupong STAREX-PISTON ning syudad.
Gibutyag ni STAREX-Piston Sec General Ringo Lago nga mapugos sila’g balik sa dalan tungod sa nagpatung-patong nga ihap sa kalapasan sa tawhanong katungod sa ilang mga sakop didto sa kauluhan.
Si Lago miingon nga himoon nila ang picket rally sa tanan ganghaan sa LTFRB offices sa tibook Pilipinas.
Gihimong pananglitan sa grupo ang pagsita sa mga sakyanan nga gitoohan ni Lago nga sinugndanan sa implementasyon sa modernazation program sa Duterte administration.
Padayong gisinggit sa grupo nga antipoor o pagpatay sa mga kabus ang memorandum nga giisyu sa DOTr.
Samtang pabiling nabahin ang baruganan sa drayber ug operator ning syudad ug lalawigan kalabot na sa iduso nga usbaw sa pletehan alang sa depampasahero nga sakyanan.
Si Joel Gabatan,coordinator sa National Confederation of Transport Union o NCTU- Northern Mindanao ang nagpamatood nga wala pa sila mikuyog ug sang-at petisyon kabahin sa “fare increase”.
Namugos si Gabatan nga dunay ubang transport grupo nga mi-isnab sa maong panawagan.
Hinoon, dili pa pinal ang desisyon sa grupo ni Gabatan ilabina nga duna usab pipila sa ilang miyembro ang dili gusto sa idea patas-an ang singil sa pletehan alang sa mga sakyanan jeep.
