CAGAYAN DE ORO CITY-Naalarma ug naka-responde ang kadagkuan sa Dept of Health o DoH-10 dihang miambak sa Cagayan de Oro river ang ilang nurse ning syudad kagabii.
Giila ang biktima nga si Jerica Cabual,26 anyos,dalaga ug lumad sa Bacolod,Lanao del Norte apan temporaryong nagpuyo sa Brgy Kauswagan sa syudad.
Gibutyag ni DoH regional asst director Dr Adriano Subaan nga bag-o naka-duty isip job order si Cabual sa ilang buhatan hinungdan nga dili pa nila bakisado ang pagkatawo niini.
Miingon si Subaan nga anaa pa sa state of shock ang biktima dihang nadala sa City J.R.Borja Memorial Hospital kagabii.
Una niini,naluwas sa CDRRMD rescuers si Cabual dihang gianod sa sulog sa tubig-baha gikan pag-ambak niini sa tulay luyo sa Saint Augustine Cathedral kagabii.
