CAGAYAN DE ORO CITY-Paminawon sa kadagkuan sa Comelec Central Office ang tingog sa katawhan kabahin sa subli pagka-oktaba sa brgy ug SK elections sa Mayo 14 ning tuiga.
Kini tungod sa padayong pagpaubos sa Mindanao sa martial law nga molungtad sa Disyembre 2018.
Miingon si Comelec Provincial Election Supervisor Atty Carlito Ravelo nga tuyo niini nga makuha ang pulso sa nagkadaiyang sektor aron basihan sa ilang sunod nga lakang sa ahensiya.
Una nang gipasar sa kongreso ug gipalig-on ni Pres Rodrigo Duterte ang balaod nga himoon ang brgy ug SK elections sa Mayo 14 apan hayan apektado gumikan sa extended martial law sa Mindanao.
Ilusad ang public consultation sa Grand Caprice Ballroom Hall ning syudad sa Enero 23 ning tuiga.
