CAGAYAN DE ORO CITY-Misamot kalig-on ang pagtoo sa usa ka deboto ni Sr Sto Niño human iyang masaksihan ang gidala nga milagro niini sa nahitabong sunog sa Zone 4, Abellanosa-Burgos Streets, Brgy 17 ning syudad.
Moabot sa unom ka panimalay ang naugdaw sa sunog diin lakip sa nasunog ang girentahan nga panimalay ni Cresencio Saruda.
Sumala pa ni Saruda nga nahurot og kaugdaw ang tanan niyang gamit gawas lang sa rebolto ni Sto Niño.
Nakurat siya sa dihang nakita niya nga nasunog ang rebolto apan wala kini maabo.
Naputol lang ang kamot sa Santo taliwala paman nga gilamoy kini sa kalayo.
