CAGAYAN DE ORO CITY- Nasikop sa City Drugs Enforcement Unit o CDEU sa Cagayan de Oro City Police Office ang bigtime shabu supplier nga naglihok sa syudad.
Kini human unang gilusad ni CDEU head Sr/Insp Maricris Mulat ang suspek nga si Vindo Salic,18 anyos nga giingong taga- Iligan City apan nag-abang sa Brgy 37 ning syudad.
Miingon si Mulat nga nakompiskar kang Salic ang 50 gramos nga shabu diin nagbalor sa 500-mil o tunga sa milyon ka pesos.
Nabawi usab sa mga otoridad ang buy bust money ug celphone sa maong suspek.
Kasuhan sa kapolisan ang suspek sa piskalya ning syudad karong adlawa.
