CAGAYAN DE ORO CITY-Dili maka-presyur bisan si Pres Rodrigo Duterte sa mga otoridad nga mi-imbistigar sa kamatayon ni USTP president Dr Ricardo Rotoras.
Miingon si Special Investigation Task Group o SITG-Rotoras spokesperson C/Insp Mardi Hortillosa nga dili mapugos sa mga opisyal ang mga imbestigador pagpalugwa’g suspek o ebedensiya kon tataw nga wala pa usab sila niini.
Giklaro ni Hortillosa nga gitahod nila ang mga magtutudlo ug mga tinun-an nga milangkob sa kapin 5-mil ka pirma sa signature campaign apan giingong dili gihapon kini makatabang sa pag-resolbar sa kamatayon ni Rotoras.
Si Rotoras ang gipusil-patay sa duha ka suspek gawas sa iyang pinuy-anan sa Upper Carmen ning syudad niadtong Disyembre 2017.
