CAGAYAN DE ORO CITY-Kasuhan sa murder sa SITG-Rotoras si kanhi University of Science andTechnology of Southern Phillipines (USTP) Architect Rey Galua sa piskalya ning syudad.
Kini kon makakita’g bug-at ug direktang ebedensiya ang PNP ug NBI-10 nga magduot kang Galua sa kamatayon ni USTP President Dr Ricardo Rotoras.
Giangkon ni SITG Rotoras spokesperson C/Insp Mardi Hortillosa nga hangtod karon, wala pa’y nahuptan nga lig-ong ebedensiya ang mga imbestigador aron madugtong si Galua sa kamatayon ni Rotoras.
Si Galua ubos sa pagmando ni Rotoras kaniadto sa pag-desinyo sa balor 200 milyon pesos nga USTP student center nga tinubdan sa kontrobersya.
