CAGAYAN DE ORO CITY-Nagtoo si City Mayor Oscar Moreno nga dili dautan ang katuyuan ni City Vice Mayor Rainer Joaquin ‘Kikang’ Uy sa insertion balor 34 milyon pesos sa 2018 city annual budget.

Kini human unang gikibhangan sa konseho ang 5.8 ngadto 5.5 bilyon pesos ang aprobadong pondo nga magamit sa syudad ning tuiga.

Miingon si Moreno nga dili mahimo maghimo’g kaugalingong pondo ang konseho ug i-apil sa proposed budget nga gikan sa buhatan sa usa ka mayor ning syudad.

Samtang gihamakak ni Vice Mayor Uy nga naghimo sila’g budget insertion sa 2018 annual budget.

Kini sukwahi sa nadiskobre ni Moreno dihang nakabalik kaniya ang aprobadong annual budget balor 34 milyon pesos nga insertion.

Miingon si Uy nga katungod sa konseho nga kibhangan apan dili dugangan ang pondo nga gihangyo sa executive department alang sa tibuok tuig nga operasyon sa syudad.