CAGAYAN DE ORO CITY-Gipanghimakak sa konseho ning syudad ang alegasyon nga nanginlabot ang mga opisyal sa lokal nga kagamhanan sa paglangkat sa pwesto ni kanhi COWD manager Engr Rachel Beja.
Sumala ni Kag Bong Lao, chairman sa komite on public utilities sa konseho sa syudad nga wala sila manginlabot sa problema nga nahitabo sulod sa ahensiya ug desisyon sa mga board member ang pagwagtang sa pwesto kang Beja.
Asoy pa niini nga maoy prioridad niini ang serbisyo sa Cagayan de Oro Water District sa mga konsumante ug dili ang mga opisyal niini.
Gisugyot ni Lao nga mas maayo nga ilisdan ang pasilidad sa COWD.
Kini kun ugaling naglaraw sila nga mapalambo pa ang ilang pagserbisyo sa publiko.
Matud ni Lao nga bisan magbalhin-balhin ang COWD sa supplier sama sa ilang gihimo sa MetroPac Water Consortium apan magpabilin nga karaan ang ilang pasilidad, moresulta gihapon sa walay pulos ang ilang pagserbisyo sa panubig.
