CAGAYAN DE ORO CITY-Babagan sa pagpangulo ni Mayor Max Seno ang posibleng tinguha nga wad-on ang presensiya sa multi-million nga balor sa Seven Seas and Water Park Resort diha sa Opol,Misamis Oriental.
Kini human gikasuhan sa DENR-10 ang tigdumala sa maong resort kon nganong nakabaton sa titulo sa yuta nga na classify man kini nga timberland.
Miingon si Seno nga napalit ra ni Engr Elpidio Paras ang pipila ka ektarya sa maong yuta gikan sa pribadong tawo kinsa nakakuha’g titulo niini.
May grupo sa lumad nga nagtinguha pagkuha sa maong yuta kay giingong kabahin sa ilang ancestral domain.
Samtang nagdumili paghatag dugang komento si DENR regional director Arleigh Adorabli kabahin sa padayong legal land dispute diin natukod ang balor 200 milyon pesos nga resort sa Opol ning lalawigan.
Miingon si Adorabli nga gitugyan na nila sa ahensiya sa gobierno ang maong kaso samtang sila maghulat sa mahimong court ruling niini.
Una nang giangkon sa DENR nga dunay kasaypanan ang mga unang namunuan kaniadto kon nganong gitugtan nga mati-tuluhan ang maong yuta.
