CAGAYAN DE ORO CITY-Gipaubos sa police summary proceedings ang siyam ka pulis nga unang gitangtang sa ilang assignment sa Cogon Police Station ning syudad.
Miingon si Cagayan de Oro City Police Office o COCPO spokesperson Supt Mardi Hortillosa nga na-insulto si acting City Police Director Sr Supt Nelson Aganon kay wala sunda ang mga mando niini.
Kabahin sa mga gipang-relib ug gibutang sa holding unit sila si PO3 Bebedito Casing Jr. , PO2 Lorgen Ysalina, PO1 Chris Lanzadera, PO1 Elnes Concha, PO1 Eldeponso Moralidad Jr., PO1 Reynaldo Daisong, PO1 Ramel Murro ug PO1 Alfie Tagapulot.
Tungod niini, gitakdang e-destino sa lagyong lugar ang maong mga pulis isip kabahin sa ilang disciplinay action.
Samtang naglaum si Hortillosa nga pinaagi sa tulo ka bag-ong mobile patrol nga gihatag sa lokal nga kagamhanan sa Cagayan de Oro City Police Office mas molig-on pa ang police visibility.
Sumala ni Supt Hortillosa nga maoy nakadawat sa bag-ong patrol ang Divisoria, Agora ug Carmen Police Station.
Depensa pa niini nga kining tulo ka police station mao ang luag og area of responsibility ug crowded usab ang maong lugar.
Hisayran nga gipangulohan mismo ni City Mayor Oscar Moreno ang pag-turn over sa mga patrol.
