CAGAYAN DE ORO CITY-Hugot nga seguridad ang gipatuman sa kapolisan ug militar sa nagkadaiyang pang-publikong mga tunghaan sa syudad ning adlawa.
Kini alayon sa unang adlaw nga gibuksan sa Dept of Education o DepEd ang klase alang sa libuang mga tinun-an sa school year 2018-2019.
Miingon si Supt Mardi Hortillosa,tigpamaba sa Cagayan de Oro City Police Office o COCPO nga anaa sa 600 ka pulis ang ikatag sa lain-laing mga tunghaan.
Gipasidan-an usab ni Hortillosa ang mga ginikanan ug guardians nga
dili pasagdan ang ilang mga anak aron dili mabiktima sa mga tawong mosakay sa panahon.
Samtang gihangyo sa Dep-Ed ang tanang ginikanan nga batasanon ang pagdasig sa ilang mga anak nga motungha sa klase matag adlaw.
Kini ang gi-abiso ni Dr Rosalio Vitorillo, chief sa Schools Governance Operations Division sa Dep-Ed-10 sa pagsugod sa klase ning adlawa.
Gibutyag ni Vitorillo nga wala nay rason aron mo-absent ang usa ka tinun-an sa unang adlaw sa ting-klase tungod kay limpyo na daan ang
mga tunghaan.
Gawas niini, gi-awhag ni Vitorillo ang mga ginikanan nga likayan ang kanunay pagka-late panahon sa ting-klase kay makadaut kini sa grado sa mga bata.
