CAGAYAN DE ORO CITY-Patay ang ulitawo nga sakay sa motorsiklo human gidumbol sa laing motorista sa national Highway sa Brgy Patag ning syudad.
Giila sa kapolisan ang biktima nga si Ericson Salvacion,24 anyos ug residente sa Barra, Brgy Macabalan ning dakbayan.
Samaron usab ang backride sa biktima nga na ilang si Aldrin Yana.
Pulos gipangdala sa JR Borja City Hospital ang duha ka biktima apan gilayong gibalhin ang lawas ni Salvacion sa Northern Mindanao Medical Center kay kini deklaradong na coma.
Pipila ka oras ang milabay, tungod sa naangkon nga grabeng pagkabun-og sa ulo ug tiyan, gideklarar nga patay ang biktima.
