CAGAYAN DE ORO CITY-Pagpugong aron dili hingpit masudlan sa illegal operations sa mga dagkong sindikato sa gidiling droga kon nganong gitinguha sa gobierno i-apil sa drugtest ang grade schoolers.
Kini ang pagpasabot ni PDEA regional director Wilkins Villanueva dungan sa pag-angkon nga gikuhaan nila’g pulso ang publiko kabahin sa maong sugyot.
Gibutyag ni Villanueva nga sukwahi sa pagsaway sa uban,dili maka-trauma kon ipaubos sa drugtest ang kabataan kon ayuhon lamang sa pagpasabot sa mga tunghaan.
Una niini,kusganong gisupak ni DepEd Sec Leonor Briones ang mandatory drugtest proposal ngadto sa elementary pupils sa nasud.
Samtang supak si 2018 Ms Earth Philippines-Water Berjayneth Chee nga ipaubos sa mandatory drug tests ang mga tinun-an sa mga elementarya sa nasud.
Kini human gisugyot ni PDEA Director General Eron Aquino nga angay mahataga’g proteksyon batok sa misulod nga drug pushers sa mga tunghaan.
Miingon si Chee nga angay hataga’g mas epektibo nga programa ang kabataan inay ma-trauma sa drugtest sa PDEA ngadto kanila.Si Chee ang reigning 2018 Ms Kuyamis nga garbo sa lungsod sa Balingasag,Misamis Oriental.
