CAGAYAN DE ORO CITY-Namugos si kanhi City Councilor President Elipe nga kuyog sa iyang igsoon nga si Prestine Elipe-Quizon wala sila’y nasupak nga balaod.
Kini bisan nga gikonbikto sila sa kasong kurapsyon ug falsification of public documents sa 4th division sa Sandiganbayan.
Miingon si Elipe nga andam usab sila modawat sa maong silot kon molugwa sa hukom sa korte suprema nga ensakto ang hukom sa Sandiganbayan bato kanila.
Gikasuhan ang Elipe ni kanhi city administrator Dionne Gersana tungod sa wala pagsulti’g tinood nga atua sa China ang iyang igsoon apan giingong gipatoo sa mga dokumento nga nag-duty lamang gihapon hinungdan nakasupak sa balaod.
Gimanduan sila sa korte mabilanggo sa dose ka tuig ug gipamulta usab tungod sa maong mga salaod.
Samtang nagtoo si Gov Bambi Emano nga malutsan ra gihapon ni Elipe ang hukom sa korte nga nagkonbikto kaniya sa kasong kurapsyon ug pagpeke sa pampublikong dokumento.
Miingon si Emano nga gitahod nila ang hukom sa korte hinungdan nga mohimo’g apelasyon ang mga abogado ni Elipe kabahin sa hukom sa Sandiganbayan.
Si Elipe ang bayaw ni Emano kay kapikas man usab niini si City Councilor Atty Nadya Emano-Elipe.
Una nang namahayag usab si Elipe nga samtang mag-apelar sila sa kaso sa korte suprema,ipadayon gihapon niini ang iyang tahas isip general manager sa Misamis Oriental Integrated Sports Center o MOISC.
