CAGAYAN DE ORO CITY-Nagtoo si Presidential spokesperson Harry Roque nga mas misamot kalig-on ang maayo nga relasyon sa China ug Pilipinas tungod sa katukoran sa Northern Mindanao Wellness and Rehabilitation Center (NMWRC) sa Barangay Casisang, Malaybalay City Bukidnon.
Si Roque miingon nga nagdonar ang China og dako nga kantidad alang sa katukoran sa maong pasilidad.
Dugang pa niini nga mapasalamaton ang Duterte administration sa China tungod kay suportado niini ang mga proyekto sa gobyerno.
Samtang dili makatoo si Sen Miguel Zubiri nga mahuman sulod sa walo ka bulan ang konstraksyon sa P500-million drug rehabilitation center.
Siya miingon nga mapasalamaton siya sa mga nag-donar aron matukod kini.
Ang 5 hectare nga giugbokan sa steel-concrete facility ang gidonar sa lokal nga kagamhanan sa Malaybalay ug mao kini ang pinakadako nga drug rehabilitation sa Mindanao ug ikaduha sa tibook nasud.
Hisayran nga ang maong pasilidad ang nagbaton og sports facilities, mini ampitheater ug daghan pang uban.
