CAGAYAN DE ORO CITY-Kasuhan sa pagbaligya’g gidiling droga ang anak ni kanhi Cong Alipio Badelles nga nasikop sa Iligan City.
Kini human unang nasikop pinaagi sa anti-illegal drug buy bust operation sa PDEA-Iligan City Team si Eric Badelles sa iyang pinuy-anan sa Brgy Pala-o sa maong syudad.
Miingon si PDEA-Iligan City Team agent Wax nga ipasaka nila ang kaso batok Badelles sa piskalya sa maong syudad ugmang adlawa.
Nakompiskar sa suspek nga kanhi na napriso tungod gihapon sa maong kaso ang balor 45 ngadto 50-mil pesos nga suspected shabu atol sa operasyon sa miaging semana.
